Жомарт адам жәннатқа жақын, тозақтан алыс, сараң адам тозаққа жақын, жәннаттан алыс (хадис). Бұқар жырау аудандық орталық «Жыржыс қажы» мешітіне заманауи өртке қарсы дабыл орнатылды.Құны едәуір қымбат 300 000 мыңды құрайтын құралғыны аудан азаматы Есенов Ырымғали Төкенбайұлы өз қаржысымен, жеке күшімен қолдап, сый жасады. Сый қылсаң, сыпыра қыл деген қағиданы ұстанып керекті жабдықтармен еңбегін есептесе, 400 000 мыңнан асып түсетін барлық жабдығымен қоса кепілдеме бере отырып, қосымша (запас) саймандарын да қалдырған жомарт жанға «Алла разы болсын» - деп ақ батасын берген бас имам Аманбол қажы Рымқұлұлы: «өтінішімді жерге тастамай барынша қолдаған ИП Есенов басшысы Ырымғали Төкенбайұлына айтар алғыс көп, ризашылығымыз шексіз» – дейді.