Маусым айының 12-жұлдызында Қарағанды облыстық орталық мешітінде №1 гимназияның оқушыларымен кездесу өтті. Жазғы демалыс уақытына қарамастан, кездесуге шақырған имам сөзін аяқ асты етпей, топ болып жиналып келген оқушылардан әдептіліктің белгісін көрдік. Қарағанды облыстық орталық мешіті Бас имамының көмекшісі Мұсабеков Нұржігіт оқушыларға келе жатқан Рамазан айының қадір-қасиеті мен ерекшелігін түсіндіріп, шағбан айындағы Бараат түні жайында таныстырып, білім мен бірлік төңірігінде уағыз айтылды.
Оқушылар аса ізеттілікпен, байыппен сөзді бөлмей алдымен тыңдап, сонан соң өздерін қызықтырған сауалдарын қойды. Алдағы уақытта осындай кездесулерді жиі өткізсек екен деп өтініш білдіргендер де бар.
Тотия Енсебаева Қарағанды облыстық орталық мешітінің баспасөз қызметі