Бас Мүфти Ержан қажы Малғажыұлы хазрет мешіт жанынан сауат ашу курсын дамытып, оған ерекше көңіл бөлуді тапсырған болатын. ҚМДБ-ның Қарағанды облысы бойынша өкілі Қарағанды облыстық орталық мешітінің бас имамы Өмірзақ қажы Қазкенұлының басшылығымен, балалардың жазғы демалысын тиімді өткізу мақсатымен Балқаш қалалық мешітінде жазғы діни сауат курсы ашылған болатын. Бас имам Тусупбеков Асылхан қажының ұйымдастыруымен Қасиетті Бараат күніне байланысты курсқа қабылданған 35 балаға көтеріңкі көңіл күй сыйлап, серуен құрылды. Балаларға балмұздақ, тәтті сусындар берілді. Балаларға қуаныш сыйлап, «Бараат түнінің қасиетін» түсіндірді. Мешіт ауласында қазақтың ұлттық ойыны «Асық ату»-дан балалар арасында жарыс болып, соңынан қалалық мұражайға барып, қаланың ескі мұрағатынан естеліктерді тамашалады. Сонымен қатар Мұражайда жаңадан ашылған ойындар бөлмесінде балалар ойын ойнап, арқан тартысып, теңге алу ойындарын ойнап көтеріңкі көңіл-күйде болды.