Шет ауданы «Жанқұтты би» мешітінің бас имамы Б.Алпысбайұлының шақыруымен Шет аудандық кітапхана қызметкерлерінің ұйымдастыруымен аталмыш мешіттегі жазғы сауат ашу курсы балаларына қызықты әрі пайдалы ойындар өткізілді.Балаларға дінге және дәстүрге байланысты сұрақтар, «Кім жылдам?»-деген түрлі-түсті қағазға жазылған мақал-мәтелдер үй» әр түрлі тақырыпқа жұмбақтар, «Сыр сандық» ішінде түрлі- түсті қағазға әр тақырыпқа байланысты жаңылпаштар мен мақал-мәтелдер жазылған, «Сөзжұмбақ» ойындары ойнатылды.Түрлі кітаптарға шолу жасалды. Балалар жеті топқа бөлініп, әр түрлі тақырыпқа байланысты сұрақтарға жауап беріп, белсенді танытып, жылдамдықтарын көрсетті. Ойын соңында аудандық балалар кітапханасына түскен жаңа кітаптар сыйға берілді.Бұл кітаптар жұмбақтарға,мақал-мәтелдерге,жаңылтпаштарға,қазақ ертегілеріне арналған,өте қызықты кітаптар.Сонымен қоса тәтті- дәмді жеміс-жидек таратылып,ойынға қатысқан барлық балалар естелік сыйлықтарға және марапаттарға ие болды.Бас имам Б.Алпысбайұлы балалардың келешегін ойлап осындай іс-шара ұйымдастырып отырған кітапхана басшысына және оның қызметкерлеріне алғысын айтып,отбасыларына береке,жұмыстарына жеміс тілеп, Алла разы болсын деген ізгі тілегін білдірді.