Қазақстан мұсылмандары діни басқармасының Бас мүфтиі Ержан қажы Малғажыұлы хазреттің тапсырмасы бойынша, Қарағанды облысының өкіл имамы Өмірзақ қажы Бекқожаның қадағалауымен Қарағанды қалалық мешіттерінде жазғы лагерьлер өз жұмыстарын жүргізіп жатыр. Жас оқушыларды имандылыққа,инабаттылыққа,үлкенді сыйлау,ата-анаға құрмет қылу әдептерін үйрету лагерь жұмысының негізгі мақсаты.Соның ішінде Қарағанды қалалық Бала қажы мешіті де өз жұмыстарына жең сыбана кірісіп, жас балғындарға дәріс беруге білікті ұстаздарды тағайындады. Демалыс күндері балалар хайуанаттар паркіне,мұражайларға,кинотеатрлерге т.б. мәдени орындарға экскурсияға барып тамашалайды. Алдағы уақытта жас өспірімдер өзіміздің ұстанып жүрген дәстүріміз бен дәстүрлі дінімізден толық хабардар болса нұр үстіне нұр емес пе.