АНТ-ның жоспары бойынша Абай қалалық мешітінде бас имам Орманбет қажы Болатұлы жұма намазында жамағатпен жүздесті. «Намаздағы кемелдік» тақырыбында уағыз айтып, қасиетті рамазан айының қарсаңында дінбасымыз Ержан қажы Малғажыұлы хазіреттің ел мұсылмандарына жолдаған ыстық ықыласты құттықтауы мен үндеуін оқып таныстырды. Намаздан соң жамағатпен жүздесіп, рамазан айына қатысты және өзге де ағымдағы жайттардың барысы турасында сұхбаттасты.