Жыл сайын балалардың жазғы демалысын ұйымдастыру қашанда маңызды мәселенің бірі болып келді. Олардың демалыс уақытындағы имандылық білім мен тәрбие алуына, ислами танымдық тұрғыда білімін аттыруға жағдай жасау мақсатында, ҚМДБ тарапынан берілген нұсқаулар бойынша, мешіттерімізде жазғы сауат ашу курсы ұйымдастырылады. Балқаш қалалық мешітінде жазғы маусымға арналған діни сауат ашу курсы 09-22 маусым аралығында болып өтті. Діни сауат ашу курсының жүргізілу кестесі жасалып, 7 жастан 14 жас аралығындағы 35 ұл-қыз балалар қабылданды. Бас имамның міндетін атқарушы Тусупбеков Асылхан қажы, шәкірттермен пікір алмасып, найб имамдар Құран әліппесі, ахлақ, Пайғамбарымыздың (с.ғ.с) өмірбаянынан дәрістер жүргізді. Балалардың көңіл-күйін көтеру үшін, сергектік сыйлау мақсатында дәрістерден кейін күнделікті ойындар ойнатылды. Балқаш көліне барып, батуттарда ойнап, балмұздақтар, тәтті сусындар ішіп, автодром ішіндегі әткеншектерді теуіп шаттыққа бөленді. 21-маусым күні балаларды «Бектау ата» демалыс орнына барып, табиғат аясында дем алды. Сауат ашу курсы 22 маусым күні өз жұмысын қорытындылап, балаларға алдағы уақыттада мешітімізге келіп, діни сауаттарын жетілдіруге, иманды ұрпақ болып өсулерін тілеп, бүлдіршіндерге мешіт ұстаздары өз ниеттерін білдіріп қоштасты.