Жабырқаған жанның жанынан табылып, қажет жағдайда көмек қолын созып, қарымын тек қана Аладан күте отырып сауапты істі жасау мұсылманның игі қасиеттерінен болып саналады. Осындай ұстаныммен ұлық болған рамазан айының қарсаңында №1-мешітінде бас имам Орманбет қажының ұйытқы болуымен он отбасына қайырымдылық көмек ретінде азық-түлік салынған қалталар таратылды. Олардың қатарында көпбалалы аналар мен қамқорлыққа мұқтаж отбасылары бар. Наиб имам Мұсағали Аясұлы отбасы мүшелерін бас имамның атынан рамазан айының келуімен құттықтап, ораза тұтудың сауабын айта кетуді де ұмытпады. Қайырымдылық акциялары алдағы уақытта сауапты істің еселеніп жазылатын рамазан айында түрлі іс-шараларымен жалғасатын болады.