Маусым айының 11-нен 25-і аралығы Шахтинск қаласы «Нұр» мешіті жанынан жазғы сауат ашу курсы өз жұмысын бастаған болатын. Курсқа 25 бала қабылданып, «Құран әліппесі», дәрет алып үйрену,тамақ ішу әдебі сынды басқа да әдеп түрлерінен дәріс алды. Аз ғана уақыт ішінде діни сауаттарын аша білген, жаста болса өз ісін жауапкершілікпен атқара білген Әсет Наурызбайұлының игі бастамасының акуқымы кеңейе түсті. Күнделікті сабақ жоспарын құрып,бала ойын ұштай білді. Сабақтан тыс әр түрлі сергіту жаттығулары,спорттық ойын түрлерінен сайыстар ұдайы ұйымдастырып отырды. Атап айтсақ қыл қалам шеберлерінің мүмкіншілігін арттыру мақсатында «Өнерлі бала», «Кім жылдам» атты викториналық сұрақтар тағы да басқа ой-сергітер ойындар жиі жалғасын тауып отырды. Мешіт имамы өз кезегінде жергілікті кәсіпкерлердің қолдауымен мешіт асханасы жанынан бір мезгіл тамақ беру жағын ұйымдастырды. Курс соңында әр бала мадақтама қағаздарымен марапатталды. Курстың екінші маусымында жас жеткіншектердің діни сауатын ашуға ата-аналар тарапынан ниет таныты.