ҚМДБ-ның төрағасы Бас мүфти Ержан қажы Малғажыұлының барша мұсылмандарға жолдаған үндеуін жергілікті жамағаттарға таныстыру жұмысы облысымызда да жақсы қарқын алуда. Қазақстан мұсылмандары діни басқармасы 2014 жылды «Дін мен дәстүр» жылы деп жариялаған болатын. Мақсат: дәстүрмен сабақтасқан рухани құндылықтарды жаңғырту. Бұл орайда республикалық деңгейде игі іс-шаралар ұйымдастырылуда. Бүгін кезекті жұма уағызында Қарағанды облыстық орталық мешіттің наиб-имамы Карсембай Дархан Асылтайұлы бас қосқан жамағаттарға ҚМДБ-нің төрағасы Бас мүфти Ержан қажы Малғажыұлының халыққа жолдаған үндеуін жеткізді.