Айлардың сұлтаны болған қасиетті рамазан айына байланысты Шахтинск қаласы «Нұр» мешітінде алқалы жиын өтті. Бас имам алқа мүшелерін келе жатқан қасиетті ұлық айымен құттықтады. Алдымен Бас мүфти Ержан қажы Малғажыұлының мұсылман қауымына жолдаған үндеуі мен құттықтау хатын оқып бас қосқан қауымға жеткізді. Үндеуді басшылыққа ала отырып, жылына бір рет келетін қасиетті айды өз деңгейінде атқарудағы жұмыс барысымен бөлісті.Сонымен қатар бас имам бұл айда ізгілік жолындағы сауапты істерді еселей түсу керектігін жеткізді. Жиын соңында ақсақалдар өз пікірлерін білдіріп, отырыста сөз болған бірқатар мәселелерді абыроймен атқаруға Алла күш-қуат берсін дей келе, баталарын беріп тарқасты.