Биылғы рамазан айының бастапқы күндері №1-мешіттің шаруашылық істерінде жағымды жаңалықтармен басталды. Бас имам Орманбет қажының жан-жақты жұмылдыру барысында жасап жатқан еңбектері нәтижесін беріп, көптен бері көкейде жүрген істің орайы келді. Оразаның алғашқы күні мешіттің жайнамаз кілемі толықтай жаңартылып, оны төсеуге мешіттің жамағаттары қуана кірісті. Жаңаның ескіріп тұратындығы белгілі. Алланың қалауымен нәсіп еткен жаңа жайнамаз үстінде жамағат та рамазан айының жаңа лебімен құлшылықтарын орындамақ. Лайым да осындай жақсылықтар мен жағымды жаңалықтар ел-жұртымыздан үзілмесін.