Маусымның 27-ші жұлдызында Шет ауданы «Жанқұтты би мешітінің» Бас имамы Б.Алпысбайұлы аудандық «Шет шұғыласы» газетінің ұжымын мешітке арнайы шақырып 28-ші маусым баспасөз қызметкерлерінің кәсіби мерекелерімен құттықтады.Бас имам төртінші билік өкілдерінің қай салада болмасын өлшеусіз үлес қосқандары үшін,оның ішінде ұлттық құндылығымыз бен дініміздің дамуына мол септігін тигізгенін тілге тиек етіп,алғысын жаудырды. Газет халықтың көзі, құлағы һәм тілі деген даналы сөзді берік ұстанып жүрген жергілікті БАҚ өкілдерін, оның ішінде «Шет шұғыла» газетінің ұжымына алғысын білдірді. Бас имам өз атынан құттықтау хатын және Бас муфти Ержан қажы Малғажыұлының «Дін мен Дәстүр» атты кітабын сыйға тартты. Ілкімді шара мешіт асханасынан жайылған ақ дастарханнан дәм берумен жалғасты. «Шет шұғыла» газетінің басшысы Тойшыбеков Болат қаламын қару еткен қауымның атынан зор алғыс айтып ризашылығын білдірді.