Пайғамбарымыз (с.ғ.с) айтады: «Рамазан –бұл сабыр айы.Сабырдың сыйы болса-жәннәт». Кімде-кім бұл айда ораза ұстаған бір адамға ауыз аштырса,бұл амалы күнәләрінің кешірілуіне себеп болып, ораза ұстаушының сауабындай сауапқа ие болады-деген. «Жанқұтты би» мешітінің Бас имамы Берік Алпысбайұлы осы хадиске амал көрсетіп Оразаның алғашқы күні, яғни 28 маусым күні мешіт асханасынан кәсіпкер Байтанасов Дәуленнің демеушілігімен ауыз ашар ұйымдастырды.Ауыз ашарда бас имам жиналған жамағатқа оразаның қасиеті, ауыз ашардың сауабы жайлы уағыз айтты. Мешіт жамағаты осындай игі іске мұрындық болып отырған аудан имамына алғысын айтып, сауабы мол іс-шараның алдағы уақытта да өз жалғасын табуына тілектестік білдіріп, ақ батасын берді.