Маусым айының 27-ші жұлдызында Абай ауданы Топар кентінде Қасиетті Рамазан айының келуіне орай ұйымдастырылған «Оразалымен оттас бол- имандымен жолдас бол» атты діни кеш болып өтті. Кеш қасиетті құран мен басталып, діни әндер мен Рамазан айына байланысты өлеңдер оқылып айтыскер Айтбай ақынның мерекеге арнау айтуымен жалғасты. Аталмыш кеште «Парасат», «Қазақ тілі қоғамы» қоғамдық бірлестігінің төреағасы Бота Ноғаева, Ерлан Мейірбеков, Аманжан Манабаев, Абай Бекейұлы, Құзайра Әбдіхалықов, өнер көрсетті. Кешке арнайы келген Қазақстан мұсылмандары, Діни басқармасының Қарағандыдағы филиалы, облыстық орталық мешітінің наиб имамы Құрманов Серік Аманбайұлы мереке жайлы деректер келтіріп, құттықтау сөзін айтты. Абай қаласы Топар кентінің бас имамы Ибраев Мейрам кешті соңында Рамазан айымен дүйім мұсылмандарды құттықтады.