Рамазан айының шоқтығын биіктетіп, адамзат баласына екі дүние бақытына жетудің жолын көрсетіп берген Құран Кәрімнің күмәнсіз үні №1-мешіттте күндіз де, түнде де жаңғырып тұр. Алматы қаласынан ат басын бұрып келген Хусниддин мен Мейірбек қариларымыз кешкі тарауих намазында хатым оқып жамағаттың ықыласына бөленсе, күндіз сынып бөлмесінде ата-әжелермен бірге әр күні бір парадан оқып хатымды екі қайтара өткізуде. Адам жанын жамандықтан арашалап, ақиқатты танытатын, нәпсіні ерттеп мініп, тәрбиелеуге тағылым беретін қасиетті Құранға бойұсынған жамағат осындай ілкімді істің орайын келтіріп жүрген бас имам Орманбет қажыға дән риза.