Қасиетті рамазан айының қарсаңында мешіттерімізде жамағатпен тарауық намазы оқылып Құран хатым жасалатыны бәрімізге белгілі. Биыл ҚМДБ-ның бұйрығы бойынша қарилар елімізге Түркия Республикасынан келді. Қарағанды қалалық «Бала қажы» мешітіне жіберілген Фетхулла Гокче есімді қариді бас имам Нуров Махмуд қажы Нұрұлы жамағатпен таныстырып, халыққа сауапты істерден қалыспай қатым Құранға қатысуларын айта кетті. Сөз алған Фетхулла Гокче жиналған жамағатқа, бас имам Нуров Махмуд қажы Нұрұлына алғысын білдірді. Алланың қалауымен биыл қасиетті рамазан айында сіздермен жүздестік, Алла оразаларыңызды қабыл етіп, Отандарыңызға амандық, жақсылық әкелсін деп жақсы лебізін білдіре кетті. Қаридың ұсынысы бойынша қосымша асыр намазынан кейін бір пара қатым Құран оқиды, тыңдаушылар болса жол ашық.