Күллі мұсылман қауымы асыға күткен қасиетті ораза айы келіп жетті. Осы айда Алланың рахымына бөленем деген әрбір пенде сауап үшін жарысатыны анық. Осы қасиетті ай қарсаңында Қарағанды қалалық «Бала қажы» мешітінің бас имамы Нұров Махмуд қажы Нұрұлы Қарағанды облысы «Қазақстан-Қарағанды» телеарнасында «Ораза айын қалай өткізген абзал?» деген тақырыпта уағыз айтып, сондай-ақ оразаны бірінші жыл ұстап тұрған адамдарда туындайтын жалпы сұрақтарға қысқа да нұсқа жауап беріп, алдағы Келе жатқан қасиетті Қадір түнінің қасиетіне тоқталды. Рамазан айы кезінде мешіттерде арнайы Хатым Құран түсірілетінін айтты. Қасиетті рамазан айы қарсаңында мейірімділік жасау мақсатында, жарияланған Мүфти Хазіреттің үндеуімен таныстырды.