25-ші маусым күні Шет ауданы М.Горкий атындағы мектепте «Дін руханият негізі» атты тақырыбында аудан бойынша мектептерде «дінтану негіздері» пәнінен дәріс беретін ұстаздармен семинар өткізілді.Жалпы қатысушылар саны 43 адам болды.Семинарға Қарағанды облысы «Өрлеу» АҚ біліктілікті арттыру ұлттық орталық аға оқытушысы, педагогика ғылымдарының кандидаты Абдықалықов Қожанасыриден арнайы қатысты. Аталмыш семинарға аудандық «Жанқұтты би» мешітінің бас имамы Б.Алпысбайұлының қатысты.Бас имам Б.Алпысбайұлы өз сөзінде, дәстүрлі дініміздің құндылықтарын кеңінен насихаттады. Ұстаздар тарапынан көптеген сұрақтар қойылды. Ораза жайында мағұлмат, хиджап мәселесі, пітір садақаның сауабы туралы, зекет турасында, сектаға кіру туралы т.б қоғамда белең алып тұрған көптеген сұрақтарға бас имам толдыққанды жауап берді. Дінтану негіздері пәнін дәріс бере отыра оқушыларды имандылыққа,әдептілікке,адамгершілікке оқыта отыра,оқушыларды имандылыққа тәрбиелеу, иманның құндылықтарын ұғындыру.Жастардың теріс жолға түсіп кетпеу үшін мектептерде семинар кеңестерді ата-аналарды және мешіт имамдарын қатыстыра отырып өткізу керек екенін тілге тиек етті.Сөз соңында «ел болам десең бесігіңді түзе» демекші, бала тәрбиесін отбасынан бастау керектігін айтты.Жиналған ұстаздар қауымы бұл семинардан түйгеніміз көп болды деп бас имамға өз ризалықтарын білдіріп сізге Алла разы болсын деген лебіздерін білдірді.