«Ораза ұстаған адам үшін аспан есіктері ашық»,- дейді. Пенденің оқыған дұғасы көкке көтерілгенде, көк аспанда дұғаларға арналған есіктер бар екен. Ол есіктер ораза ұстаған адам үшін үнемі ашық. Демек, Ораза ұстаған адамның тілек, дұғасы үшін ешқандай тосық жоқ. Осылайша ораза маңызы зор ғибадат. Риуаятта: «Мұса пайғамбарға (ғ.с.) Алла тағала: «Ей Мұса, ақыр заман үмметі үшін бір мүбарак айды жараттым. Ол айда сол үмбеттің барша тілек-дұғалары қабыл. Соншалықты шарапатты ай Мен сенімен Тұр тауында сөйлескенде, Маған мінәжат жасағаныңда арамызды жетпіс мың перде тосты, ал Рамазан айында Маған мінәжат еткен, Менімен намазда тұрып тілдескен, менен дұға тілеген пендемнің арасында ешқандай тосық болмайды»,- деген еді. Биыл Рамазан жаз айларының ыстығына дәл келді, соған қарамастан мұсылманның бес парызының бірі-ораза ұстаушылар Аллаға шүкір жылдан-жылға артуда. Ораза адам жанын тазартып, жаман қылықтардан сақтайды. Балқаш қалалық мешіті Қасиетті Рамазан айында ауызашарларға мешіт асханасын тегін беруде. Мешіттің бас имамы Тусупбеков Асылхан қажының ұйымдастыруымен өткізілген ауызашарға түрлі сала өкілдері, мешіт жамағаты, қоғам қайраткерлері, кәсіпкерлерде, ақсақалдарда шет қалмай ауыз ашты. Бас имам Қасиетті Рамазан айымен құттықтап, жиналған мұсылман бауырларға оразаның қасиеті туралы уағыз айтып және Құран оқып, ардагер қария бата беріп тамамдады. Осындай ауызашарлар жиі болып, жұртымыз аман, еліміз тыныш болсын.