Рамазан – мұсылмандардың өзара мейірімді, кешірімшіл әрі кеңшіл болатын айы. Жаны жомарт жандардың бірлескен іс-қимылының нәтижесінде кешкісін Қарағанды облыстық орталық мешітінің асханасында жүздеген кісіге арналған ауызашар дастарханы даярланған. Хадисте айтылғандай тарауық намазын иманмен, ықыласпен оқып жүрген жамағаттарға кешкі құлшылықтан соң қаланың төрт бағытына қатынайтын арнайы автокөлік бекітілді. Сауабы ерекше еселенетін айда осы ілкімді істерді өркениетті жолмен өрістетіп отырған өкіл имам Өмірзақ қажыға ардақты аталар мен аналар, жалпы жамағаттар тарапынан дән риза. Негізі әрбір ізгі іс тек Алланың разылығы үшін атқарылса, оның шын мәнінде қабыл болғанын қалың халықтың қабағынан байқауға болады. Ендеше, бұдан өзге екі дүниеде берекетке бастайтын әрбір күні толассыз нығметке толы Рамазан айындағы әрбір мұсылманның ізгі істерін Жаратқан иеміз сауаптардан нәсіп етсін демекпіз.