Ең жас қари біздің арқа төрінде. 7 жасынан бастап арабшаға ден қойған Әбду Мәлік құранды жатқа біледі. Сауатын аша жүріп, қысқа сүрелерді жаттаудан бастаған жас қари,құранды толық меңгеруге 3 жыл ғана уақытын жұмсаған. Қазір Әбду Мәлік 13 жасқа қадам басты. Бір таң қалдыратыны құранның кез келген жерінен сұрасаңыз,еш мүдірместен жалғап алып кетеді. Естеріңізге сала кетсек былтырғы жылы Қазақстандағы ең жас қари атанып, барлық БАҚ өкілдері жарыса жариялаған болатын. Қазіргі таңда Әбду Мәлік-қасиетті Рамазан айы басталғалы бері облыстық орталық мешітте тарауих намазында құран оқып жүр.