Рамазан он екі айдың сұлтаны. Бұл айда барша мұсылмандар ораза ұстап, Аллаға құлшылық қылады. Адам баласының осы айда тілеген тілектері мен ниеттері сауаптан жазылады.Ораза ұстаған адамның дұғасы қайтарылмайды делінген. «Жанқұтты би» мешітінің Бас имамы Б.Алпысбайұлы ауданымыздағы кәсіпкер азаматтарға барып, мешіт асханасынан ауыз ашар ұйымдастыру керек екенін және ауз ашардың сауабы туралы жүргізген уағызының нәтижесінен кейін, бірнеше азаматтар ауыз ашар беруге ниеттерін білдірген еді. Солардың бірі Қасымов Нұрсұлтан Рамазан айының мол сауабынан құр қалмайық деген ниетпен, шілденің 5 күні мешіт асханасынан жетпіс адамға ауыз ашар берді. Бас имам ауыз ашардың сауабы туралы уағыз айтып, соңынан ауыл ақсақалы оразадан-оразаға төрт көзіміз түгел жетейік деген ақ батасын берді. Артынша жиналған жамағат қуанышты көңілмен мешітке тарауих намазына бет алды.