«Имандының жүзі жарық» деп асыл дінімзді тереңінен ұғынған ата-бабаларымыз тектен тек айтпағаны анық. Бүгінде Алла жар болып жүрегіне иман нұры ұялап, дінге деген құрметін күшейтіп жүрген жерлестеріміз баршылық. Қарағанды тұрғындарының арасында да күн санап мұсылман дінін қабылдап, мешітке жиі ат басын бұрушылар шүкір көбейіп келеді. Соның бірі орыс ұлтынан шыққан Алексей есімді жігіт. Жақында өзінің ырзалығымен Ислам дінін қабылдауға ниеттеніп келіпті. 20 жастағы бұл жігіттің өтінішін бізде қуана қабылдадық. Орталық мешітінің наиб имамы Қосмағамбетов Бекболат Зулжаладдинұлы Ислам дінінің шарттарын айтып, ең негізгі парыздарын орындауды рет-ретімен түсіндіріп берді. Алексей Чекулаев мешіт имамдарына алғысын білдіріп, мешіт кітапханасына және жұма намазына үзбей келіп жүретінін айтты. Міне бүгінде 5 намаз уақытын қаза қылмай, діни білімін жетілдіріп жүрген бір мұсылман баласы. Мұнысына бізде қуанып Алла разы болсын дегіміз келеді.