«Мектепке жол» акциясы жыл сайын тұрақты түрде өткізіліп келеді. Биылда Шет ауданы «Жанқұтты би» мешітінің бас имамы Берік Алпысбайұлының ұйымдастыруымен тұрмыстық жағдайы төмен отбасылардың балаларына арналған қайырымдылық акциясы өткізілді. Акцияға Ы.Алтынсарин атындағы мектеп-гимназиясында оқитын тұрмыстық жағдайы төмен отбасының балаларына сыйлықтар әзірленді. Атап айтар болсақ, көп балалы отбасынан шыққан алты балаға мектепке қажетті деген құрал-жабдықтарымен толық қамтамасыз етілді. Сонымен қатар, 9 сынып оқушысы мен анасынан ерте айырылған 5 сынып оқушысына күз, қыс мезгілдеріне арналған барлық киімдер алып берілді. Бұл игі іске мектеп мұғалімдері мен мектепке барушы оқушы да дән риза.