Дәстүрімізде алыстан келетін құрметті қонақты сағына күтумен қатар, оны қарсы алудың алдында ерекше дайындық жасайтын әдетіміз бар. Сол секілді мұсылман қауымының ұлық мерекесі құрбан айттың қарсаңында №1-мешітте күрделі тазалық жұмыстары ұжымдасып атқарылды. Ауланың тазалығы мен мешіттің кіре беріс бөлмелерінен бастап, барлық тұстарына тиянақты жөндеу жұмыстары жүргізіліп, жалпы халықтың кіріп-шығуына қолайлы жағдай жасау жағы да назарға алынды. Ел болып атап өтетін ұлық мерекенің тиянақты атқарылуы үшін бас имам Орманбет қажы Болатұлы мешіттің барлық қызметкерлерімен алқалы жиын өткізіп өз деңгейінде өткізілуі тиіс мәселелерді де талқылады.