Center Image
IHSAN.KZ
Нұрсұлтан Назарбаев Түркіменстанның «Ел ағасы» атағына ие болды
Нұрсұлтан Назарбаев Түркіменстанның «Ел ағасы» атағына ие болды
mediumҚР Президенті Нұрсұлтан Назарбаев Түркіменстанның Ел ағасы атағына ие болды.

Арнайы төс белгіні оған екі жақты келіссөздер қорытындысы бойынша баспасөз қызметкерлеріне арналған бірлескен мәлімдеме кезінде Түркіменстан Президенті Гурбангулы Бердімұхамедов табыс етті. Ол сонымен бірге Мемлекет басшысының иығына түркімен шапанын жапты.

Өз кезегінде Нұрсұлтан Назарбаев ризашылығын айтып, түркімен тарапына осындай жылы шырайы мен сый-құрметіне алғысын білдірді.

«Мұны Қазақстан халқына бауырластың құрмет көрсетуі деп есептеймін», - деді Н. Назарбаев. Сондай-ақ Елбасы көршілік қатынастардың ары қарай дамитынына сенім білдірді.

Н. Назарбаев сонымен бірге «Жаман туыстан жақсы көрші артық», - деген халық даналығын еске салды.

Соңында Түркіменстан Президенті ҚР Президентіне екі жақты ынтымақтастықты дамыту жолында қосқан үлесі үшін алғысын білдірді.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz