Center Image
IHSAN.KZ
Шәкірттер  қайырымдылық ұйымын ашқысы келеді

Бүгін Шахтинск қалалық «Нұр» мешітінде, мешіт ұжымы мен мешіттің ақылдасар алқа мүшелері яғни ақсақалдармен бірге арнайы жиын өткізілді.

Естеріңізде болса, таяуда Қарағанды облыстық орталық  мешітінде   қала, аудандардың жиналысы өтіп, 2014 жылдың есебі қорытындыланып және  2015 жылға арналған жоспарлар бекітілген болатын. Аталмыш төралқа жиынында ҚМДБ-ның Қарағанды өңірі бойынша өкіл имамы Өмірзақ қажы Қазкенұлы «Нұр» мешітінің 2014 жылғы еңбегі бағаланып өте жақсы деген алғыс хатпен марапаттаған. Бұл жақсы хабарды бүгінгі жиында бас имам «Нұр» мешітінің ұжымына жеткізумен қатар  2015 жылғы тапсырмаларды, жаңа жоспарларды айтып өтті.

«Нұр» мешітінің алдағы уақытта атқарар жұмыстарының реті мынадай болмақ:

  • ҚМДБ бекіткен уағыздарының тақырыбы кесте бойынша жүргізілетін болады;
  • АНТ жұмыстары биылда ретімен жалғасады;
  • Қайырымдылық шаралары мейілінше жиі өткізіледі;
  • Сауат ашу курсына жітік мән беріп, озық шәкірттер даярлау қолға алынады;
  • ҚМДБ-ның Қарағанды өңіріндегі Ihsan.kz сайтына арнайы ақпарлардың, мақалалардың арасын үзбей жіберу;
  • Мешіт сыртын жаңалау және мешіт жанына мәйітхана салу қарастырылуда;

Осы тізіммен бірге Шахтинск қалалық «Нұр» мешітінің  шәкірттері игілікті істі қолға алмақ. Өз еріктерімен бастаған игі шаруаға  әкішілік тарапынан  қолдау  көрсетіліп  «Нұр» мешіті «Қамқорлық ұйымы» атты ұйым ашылатын болады.  Бұл бастама әрқашан  мешіттің бас имамының назарында болмақ.  Ұйымның   негізгі мақсаты: қарттар үйіне,  балалар үйіне, еңбек ардагерлеріне, көзі нашар көретін және зағиптарға арналған ұйымға, әлеуметтік жағдайы төмен, қамқоршысы жоқ үлкендерге көмек беру.

Жиын соңында Пайғамбарымыздың (с.ғ.с) туылған айы Мәуліт мейрамында өткізілетін іс-шаралар айтылды.

[gallery link="file" ids="13206,13207"]

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz