Center Image
IHSAN.KZ
Аллаға мадақ, пайғамбарымызға(с.ғ.с) салауат!
Мейрам еткен дәл бүгін,

Бұрынғының сүннәті.

Құтты болсын мәулітің,

Нанған оның үмбетті.

  Наурыздың бірі. Әрине, бұл ресми күнтізбеде көктемнің алғашқы күні. Пайғамбарымыз Мұхаммед (с.ғ.с) мәулітін тойлауға келген халық Мәдениет үйіне жиылды.  Алланың кәләми қасиетті Құранды Болат Хамитұлының оқуымен басталды. Мәуліт мерекесіне орай ұйымдастырылған мерекеде ауыл ақылшысы Таңатар Жариясұлы мәуліт мерекесімен құттықтады. Нұра аудандық мешіттің имамы Құмар Коныскерей пайғамбарымыздың(с.ғ.с) өмірінен өнегелі уағыз айтты. Қарағанды қаласынан келген айтыс майталманы Дидар Камиев мәулітке өзі арнауын шырқады. Сахна төрінде Еркебұлан, Ермек Мирас, Кариппаева Мөлдір   нақышына келтіре ән шырқаса, Қарой ауылынан келген оқушылар мен Изенді ауылының бүлдіршіндері мағыналы өлең оқыды. Сарыарқа өңірінен келген танымал ақындарымыз Айтбай Жұмағұлов, Мақсат Ақанов, Дидар Камиев, Тілеген Әділов екі жұппен айтысып,Изенді тұрғындарын бір серпілтіп тастады. Мәуліт құрметіне орай үлкендер арасында шахмат, теннис, доибыдан, оқушылар арасында шахмат, доибы және баскетболдан спорттық шара ұйымдастырылды. Ат салысқандарды орындармен тағайындап, арнайы сыйлықтармен марапаттады. Ауыл имамы Сарсенбеков  Балғабай «Отқанжар» директоры Қанат Жариясұлына тағы да басқа қол ұшын берген халыққа ризашылығын білдірді. Соңында        Амангелді Шахарбаев «Зікір Алла» әнін үлкен толқыныспен орындады. Мәуліт құрметіне орай  дәмханада барша жамағатқа қазақи салт-дәстүрмен ас берілді.

 

                                                       Нұра аудандық орталық мешітінің баспасөз қызметі

[gallery link="file" ids="14783,14784,14785,14786"]    

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz