Бір хадис шәрифте:  Пайғамбарымыз (с.ғ.с) «Бір адам еш харам араластырмай қырық күн халал азық жесе, Алла Тағала ол адамның көңілін нұрмен толтырады. Көңіліне (жүрегіне) өзендердей хикмет ағызады. Дүниеге деген сүйіспеншілікті көңілінен шығарады» делінген. Осы мақсатта қазіргі таңда елімізде Халал дәмханалар көптеп ашылып жатыр. Сондай жақсы жаңалық Октябрь ауданы Бабушкина көшесінде «Алан» атты Халал асхана ашылуымен халық игілігіне берілді. Әр жұма сайын, сағат 09.00-14.00 аралығында, Алла ризалығы үшін тегін тамақ таратылады. Қарағанды қалалық «Бала қажы» мешіті бас имамы Нуров Махмуд қажы Нұрұлы және Асхат Нақыпұлы мен ақылдаса отырып ұйымдастырылған бұл шара халықтың көңілінен шығады деген ниеттеміз.