Әлем бойынша және елімізде католиктер мен протестанттар пасха мерекесін атап өтуде. Қарағандыдағы шіркеуде өткен арнаулы мерекеге ҚМДБ-ның Қарағанды өңірі бойынша өкіл имамы Өмірзақ қажы Қазкенұлы, облыс әкімі Нұрмұхамбед Қанапияұлы және де мекеме басшылары қатысты. Өкіл имам Өмірзақ қажы Қазкенұлы ғибадат-құлшылығын өтеп жүрген дін өкілдері мен діни мерекеге жиналғандарды мерекемен арнайы құттықтап, жылы лебізін білдірді. Сонымен бірге берекелі елімізде әрдайым ұлтаралық, дінаралық татулық пен бірлігіміз бекем болсын деген ниетпен көркем уағыздарды насихаттады.