Нұра ауданының  Ахмет ауылында ҚМДБ-ның Қарағанды өңірі бойынша өкіл имам Өмірзақ қажы  Қазкенұлының  тапсырмасы және  ішкі-саясат бөлімімен жүйелі түрде құрылған кестеге сай,  сәуір айының 11-і  күні  бастауыш сынып оқушыларымен  кезекті  кездесу өтті.

Кездесу мақсаты: жас ұрпақ санасына дініміздің асыл құндылықтарын сіңіру.  Бала - тәрбиенің бастауын өз отбасынан, яғни ата-ана мектебінен алатыны даусыз. Осы тұрғыда аудан мешітінің бас имамы Хумар Қоныскерей  оқушыларға  «Баланың ата-ана алдындағы міндеті жайлы және оларды қадірлеу, құрметтеу, көмек  көрсете білу, үлкен-кішіні сыйлау»  сынды тағылымы мол, тәрбиелі уағыз айтты.

Кездесуге қатысқан  мектеп басшысы , тәрбие ісінің меңгерушілері және сынып жетекшілері  көкейде жүрген сұрақтарын  қойып, асыл дініміздің кең етек жаюына ұйытқы болып  жүрген дін басшыларына  алғыстарын білдірді.