Қадірлі ағайын, өздеріңізге мәлім жағдай - бірнеше күннен бері  күннің күрт жылуынан сірескен қарлар еріп, Қарағанды облысының  бірнеше аудан, ауылдарын су алып, қараша халық абыржу үстінде.

Айтып келмейтін апатты жағдайға Қарағанды облыстық орталық мешіті де бей-жай қарап отыра алмады. Бүгін ҚМДБ-ның Қарағанды өңірі бойынша өкіл имамы Өмірзақ қажы Қазкенұлының ұйымдастыруымен облыстық мешіт ішінен көмек көрсету қоры ашылғанын хабарлаймыз.

Жергілікті тұрғындарымыздың хал-ахуалына демеу болып,  қаржылай қолдау көрсетсек азаматтық парызымыздың орындалғаны емес пе?! Уақытшалық қиындыққа тап болған жерлес-бауырларымызға көмек қолын созып, Алла разылығы үшін жәрдем берейік ағайын.