Соңғы   деректерде     өз-өзіне  қол жұмсау, өзіне қастандық жасау  оқиғасы  көптеп тіркелгені  анықталуда. Осыған  байланысты   Теміртау  қаласы  күзет полициясы  бөлімшесінде      «Ислам діні – суицидке түбегейлі қарсы!» -   тақырыбында  кездесу өткізілді. Өзекті тақырыптағы жиынға Теміртау  қаласындағы  орталық   мешітінің  найб  имамы  Амантай  Естай   арнайы қатысты. Өз  кезегінде  сөз алған  найб имам  өз-өзіне   қол  жұмсау  Исламда  зор  күнә  екенін   айта келе,  мұсылман  бауырларды  иманға,  сабырға  шақыру  жөнінде   кеңінен   насихат    жүргізді.