Center Image
IHSAN.KZ
Өнерде жүрген бауырларымыз ауызашар берді

Теміртаулық бауырларымыз оның ішінде өнер  жолында жүрген бір топ өнер иелері Теміртау қалалық мешітінің асханасында ауызашар берді.

Ауызашарға Теміртау қалалық мешітінің бас имамы Қанат Анасұлы, ел ағалары, ақындар, ардақты аналар, Мешіт жамағаты, мемлекеттік мекеме қызметкерлері – жалпы 200-ге тарта адам келіп, жайылған дастарқаннан дәм татты.

Жиналған көпшілікті қасиетті рамазан айымен  ұйымдастырушылар құттықтап, ақжарма тілектерін айтты.

Бас имам Қанат Анасұлы асыл дінімізге қамқор, діннің тұғырын биік ұстауға барын салып жүрген өнерлі жандардың сауапты ісіне алғыс білдірді.   Шынайы ыстық лебізін білдіріп: «Рамазан - кешірім, мейріміге толы рухани-жаңару айы.  Барша адамды жақсылыққа, тазалыққа, имандылыққа шақыратын қасиетті айда сауапты да ізгі амалдар көп болсын. Алла  Тағалам Ораза ұстаған жанға, ауызашар өткізіп, Рамазанның қадір-қасиетін  шамасы келгенінше қастерлеп, қадір тұтқанына мың алғыс!", - деді.

Ауызашарда  рамазан айының қадір-қасиеті туралы уағыз насихат айтылды. Сонымен қатар, ауызашар кешін ақындар дін, дәстүрімізге толы жырларын, термелерін арнады.

Теміртау қалалық мешітінің баспасөз қызметі

[gallery link="file" ids="17705,17706,17707"]

 

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz