Облыстық орталық мешіттің өкіл имамы Өмірзақ Қазкенұлының бастамасымен тамыз айының соңғы күндері Қарағанды-Алматы тасжолында веложарыс өтті. «Бір ел – бір мазһаб» ұранын ту еткен шараға мешіт ұстаздары мен қала тұрғындары қатысты. «Алдыңғы апта Қарағанды-Павлодар тасжолында өткен дәстүрлі жарыстың жалғасы ретінде өтіп отырған бұл жарыс қызықты да тартысты болды. Салауатты өмір салтын ұстанып, кейінгі ұрпаққа үлгі бола білуіміз керек»- дейді Жастар бөлімінің меңгерушісі Мадияр Уақасов. Дені саудың – жаны сау демекші, велосипед тебу барлық дененің құрышын жазып, бойыңызды сергітетіні анық. Веложарыс өз алдына, өмірде жақсылық жасап жарысайық, ағайын!