Center Image
IHSAN.KZ
Ер есімі ел есінде сақталды

Сонау сұрапыл соғыс жылдарында ерен ерлік көрсеткен есіл ерлердің еңбегі ел жадынан еш ұмытылмайды. Соның бір айғағы ретінде жуырда Бұқар жырау ауданы, Жаңақала елді мекенінде Ұлы Отан соғысының 70 жылдығы құрметіне, жергілікті ауыл азаматтарының демеушілік жасап қолдауымен ескерткіш тақтаның ашылу салтанаты болып өтті. Ескерткіш таста қан майданда қаза болған жергілікті боздақтар есімі қашап жазылған. Салтанатты жиынға Петровка ауылының әкімі Әсет Мұратұлы, Бұқар жырау ауданының бас имамы Аманбол қажы Рымқұлұлы, ауылдың ардақты ақсақалдары мен алыс-жақыннан келген ағайындар қатысты. Өткенге құрмет көрсетуді, келешекке кемелдік тілеуді өмір ұстанымы еткен бұқара халық сұрапыл соғыста қаза болған боздақтарды еске түсіріп ас берді. Салтанатты шараға жиналған халыққа бас имам Отанды құрметтеу, елдік мұраттарға берік болу, бейбіт күннің қадірі біліп, оны ардақтауға шақырып насихат айтты. Шара барысында дүниеден өткендерге дұға бағышталды.

[gallery link="file" ids="18807,18808,18809,18810"]

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz