Қазіргі таңда мешіт жанындағы діни сауат ашу курсындағы шәкірттер арасында дәріс алумен қатар түрлі спорттық шаралар өткізу дәстүрге айналып келеді. Осы негізде Қарағанды қалалық №1-мешітінің шәкірттері әр жексенбі сайын кешкі мезгілде «Шахтер» стадионының кіші залында аяқдоп ойнауды жоспарға енгізді. Бас имам Орманбет Болатұлы шәкірттердің дені сау, көңілдері сергек болуы үшін аталмыш спорт алаңының басшылығымен келісім шартқа отырып, жастардың бір сәт дене шынықтыруына ықпал жасады. Адам баласының салауатты өмір салтын сақтап, ой және дене тазалығын ұстауы келешегін кемел етеді.

Қарағанды қалалық №1-мешітінің баспасөз қызметі