Мешіті көп елдің баласы иманды келеді. Балқаш қаласындағы «Қоңырат» мешіті бүгінде халыққа қызметті белсенді атқарып келеді. Өңір тұрғындары мешіт ішінде намаз оқып, игі амалдар жасап, Ислам дінін көркейтуде десек қателеспейміз. Балқаш қаласының орталық мешітінің бас имамы Төлтаев Ербол Мұқанұлы «Қоңырат» мешітінде болып, ішкі-сыртқы жағдайымен танысты. Мешіттің имамы Досмахов Ғабидолламен жүздесіп, шешуі қиын мәселердің бар-жоғын анықтады. Мешттің қысқы тіршілігін өз көзімен көріп, осы мешіт жамағатымен етене танысты. Ауыл тұрғындары бас имамның өзі келіп, халықпен тікелей көріскеніне дән риза. Бас имам Ербол Мұқанұлы мешіт молдасына мешіт жамағатының басын біріктіріп, ілімді кеңінен таратып отырғанына разылығын танытып, алдағы күнге тапсырмалар беріп, сәттілік тіледі.

Балқаш қаласы мешітінің баспасөз қызметі