Center Image
IHSAN.KZ
«Әзірет Сұлтан» мешітінің макетін тарту етті (ФОТО)
«Әзірет Сұлтан» мешітінің макетін тарту етті (ФОТО)
10c6c974625e7ab3b2e0a6ea98e427b6 Жамағатқа есігін айқара ашқан «Әзірет Сұлтан» мешіті Астана қаласына келсеңіз, алыстан менмұндалайды. Күн сәулесімен алаулаған алып күмбез бен көкке шаншылған мұнаралар көзіңізге бірден шалынады. Астана қаласының ажарын арттыра түскен «Әзірет Сұлтан» мешіті көркем сәулеті мен көлемі жөнінен Орта Азиядағы бірегей мешіттердің бірі саналады. Еліміздің жүрегі Елордаға ат басын тіреген шетелдік қонақтардың да осы құлшылық ордасына арнайы келіп, тамсанып кеткені қаншама.
Күні-түні кісі аяғы үзілмейтін сол «Әзірет Сұлтан» мешітінде бүгін ерекше оқиға орын алды. Осыдан бір жыл бұрын игілікті іске білек сыбана кіріскен Ескендір Қайратжанұлы бүгін «Әзірет Сұлтан» мешітіне өзінің керемет туындысын тарту етті. Бүгінде өзінің MMK Company деп аталатын түрлі нысандардың кішірейтілген нұсқасын жасаумен айналысатын компаниясын құрып үлгерген Ескендір еліміздің Бас мешітін көрген сәтте-ақ осы жұмысын аяқтамайынша байыз таппайтынын түсінгенін айтады. Жылдан астам уақытын жұмсаған бұл жұмысын ол «Әзірет Сұлтанға» тегін тарту ететінін айтып, Алматы қаласынан арнайы келіп макетті мешіт ішіне құрып берді. Құлшылық ордасына осыншалықты құрмет көрсетіп, көз майын тауысып құрастырған туындысын тарту еткен Ескендір Қайратжанұлына «Әзірет Сұлтан» мешітінің Бас имамы Серікбай қажы Сатыбалдыұлының «Алғыс хаты» табысталып, естелік жәдігер сыйға берілді. «Әзірет Сұлтан» мешітінің бірінші наиб  имамы  Қуат Ерғалиұлы жамағат атынан алғыс білдіріп, өнерінің өрісті болуын тіледі.
10d5476ca7f577cb12deceaa471e32ef 3646fd417c5ce7ecded3df63c8f61f7c 82220f6f49f8d09c83af1d3783b2bd74 a4ca94024a13a0d526cbc109d726850c

muslim.kz


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz