Англия астанасы Лондонның символына айналған екі қабатты қызыл автобустарға «Субханаллаһ» деген жазуы бар жарнамалар ілінетін болады.

«Islamic Relief» халықаралық гуманитарлық көмек ұйымы Рамазан айы бойы Сириядағы ішкі соғыс құрбандарына жәрдем ету акциясын ұйымдастыратынын мәлімдеді. Бұл акция әрі мұсылмандарға қарсы қалыптасып қалған жағымсыз пікірлерді де өзгертеді деген үмітте.

«Islamic Relief» халықаралық гуманитарлық көмек ұйымының директоры Имран Мадден Англиядағы мұсылмандардың Рамазан айында қайырымдылық ұйымдарына 100 миллион стерлингтен көп ақша садақа қылғандығын тілге тиек етті. Осы Рамазанда да Лондонның, сондай-ақ, Бирмингем, Манчестер, Лестер, Брэдфорд қалаларында да автобустарға жарнама афиштері ілінбекші.

Ұлыбританияда шамамен 3 миллион мұсылман өмір сүреді. Оның жартысы Лондонда.