Ресей астанасында «Жылдың адал компаниясы» атты конкурс басталды. Бұл конкурс адал сегментіндегі бизнес нормаларын сақтайтын үздік компанияны анықтамақ. Конкурс қорытындысы  халықаралық «Moscow Halal Expo2016» көрмесінде шығарылады. Осымен төртінші жыл қатарынан ұйымдастырылып отырған конкурс «Moscow Halal Expo» қатысатын ресейлік заңды тұлғалар арасында өткізіледі.

Конкурс барысында өнімнің халал болуы ғана емес, қызметкерлерге жасалатын қарым-қатынас, өсім негізіндегі келісімдерден бас тарту, әділ бәсекелестік саясат, келісімді қатынастарды сақтау, әлеуметтік белсенділік, сондай-ақ ғылыми және технологиялық жаңалықтарға салынған салымдар, тұтынушылардың компания өнімінің сапасына қатысты шағымдары есепке алынады.