Біріккен Араб Әмірліктерінде 400 ерікті жан қасиетті Рамазан айында ауызашарда жолда қалған жандарға көмектеспек. Белсенділер қатарында мұсылмандардан бөлек, басқа дінді ұстанатындар да жетерлік. Олар қаланың қалың кептеліс болатын жолдарында жүргізушілерге ауызашар тамағын, жеміс-жидек пен сусындар таратады. Еріктілердің бірі Саадия Патхан: «Қайырымдылық Рамазанмен шектелмеуі керек. Біздің топ жылдың кез-келген маусымында жолда қалған жандарға көмектесуге тырысады. Әсіресе бұл Рамазанда өте маңызды»,-дейді.