Түркияның Муш елдімекені, Йешилова аймағында Рамазан Челик есімді мал бордақылаушы 4000 лира (465 мың теңге) жалақыға қойларын бағатын шопан таппай отыр. Бұл жалақыға келісетін жанға ол сонымен қатар 50 келі ірімшік, жүн, телефонына ай сайын бірлік, киер киім мен аяқ киім, сондай-ақ ішер тамағымен қамтамасыз етемін деп отыр. Алайда «пайғамбарлар кәсібіне» келер жан табылмауда.

Бір отар қойын бағатын жан таба алмағандықтан ұлының оқуын жарты жолдан тастауына мәжбүр болғанын тілге тиек еткен Рамазан Челик: «300 қойым бар, шопан таппай отырмын. Ұлым осы себептен оқуын тастады. Шопан болмағандықтан қойды мен, ұлым және немерем кезектесіп бағамыз. Бір директордың жалақысы 4 мың 500  лира. Ал біз осындай жалақы тағайындауымызға қарамастан қойшы таба алмай отырмыз», – дейді.