Әлем бойынша жастар арасында ең толық саналатын 600 кг салмақтағы 20 жасар саудиялық бала арықтай алды. Халид әш-Шаиридің  толық кезіндегі және арықтағаннан кейінгі суреті әлеуметтік желі қолданушыларын таңқалдырмай қоймады. Осыдан 3 жыл бұрын ғана Халид 600 кг болған. Кейін о дүниелік болған корольдің жеке өтініші бойынша Джазан қаласынан Эр-Риядтың ауруханасына арнайы медициналық вертолетпен жеткізілді. Оны үйінен ауруханаға дейін жеткізу үшін 30 дәрігерлер мен әскерилер жұмылдырылған. 

Осыдан бері Халид артық салмақтан арылатын барлық ем-домдарды қабылдап жатыр. Дәрігерлердің айтуынша нәтижесі де көңіл көншітерлік.