Хиджаб  киген мұсылман қызға қызмет көрсетуден бас тартқан шаштаразшы мың евро көлемінде айыппұл төлейді. Бұл оқиға 2015 жылдың қазанында Норвегияда орын алған болатын. Малика Баян есімді мұсылман қыз шашын бояту қанша болатынын сұрағанда, шаштаразшы мұсылманша киінгендерге қызмет көрсетпейміз, басқа жерге бар деп дөрекілік танытқан. Бұл ісі үшін айыппұл төлеуден де бас тартқандықтан, іс сот қарауына жіберілген болатын.

Белгілі болғандай, шаштараз қожайыны исламға қарсы норвегиялық ұйымының бір мүшесі болып шықты. Ол өзінің мұсылмандарды жек көретінін жасырмайды.