Кахраманмараш аталатын түрік провинциясында ескі ауыл су астынан шыға бастады. Бұл ауылды ширек ғасыр бұрын сол мекендегі өзендердің бірінің суы тасып, басып қалған болатын. Адамдардың барлығы құтқарылғанымен үй-жай судың астында қалған. Енді судың деңгейі күрт азайып, астындағы үйлер көріне бастады. Сол кезде құтқарылған 76 жастағы Ахмет Кабак Дурду есімді ауыл тұрғыны «Өз ауылымды көргенімде,сағынышым оянғандай сезімде болдым», – дейді. Ауыл тұрғындарының айтуынша, саман үйлер су астында бұзылып, езіліп кеткен, ал бетоннан салынған үйлер судың астында болғанымен сол қалпы қалыпты.