8 жастағы Дамаск қаласының тұрғыны Мария Баргути өзі салған суреттерімен әлемге танылды. Мұндай мағынасы терең көріністі тіпті ересек адамның өзі бере алмас. Қаршадай қыз есін білгелі көріп келе жатқан Сириядағы соғыс жайында қыл қаламмен сыр шерткен. Оның жас келіншек қақ бөлінген Сирия жерін ине жіппен тігіп отырған суреті ерекше танымалдылыққа ие болды. Марияның әкесі "қызым бейбітшілік заманның қандай болатынын білмейді. Өйткені соғыс басталғанда оның жасы небәрі 3 жаста болатын",-дейді. Ал оның өзінен соғыс деген не деген сұраққа "Ол адамдар бір-бірін жақсы көрмеген кезде басталады" , - дейді.