ҚМДБ-ның ғұламалар кеңесінің мүшесі, ОҚО, «Сарыағаш» медресесінің  директоры, ғалым Абдісаттар Смановтың қайтыс  болуына байланысты Қарағанды облыстық орталық мешіті ұжымы мен жамағаты атынан қайғыра көңіл айтамыз. Марқұмның жатқан жері жайлы, топырағы торқа болсын!

Ұстаздың дін саласында жасаған еңбегі орасан. Бірқатар ғылыми еңбектердің авторы болған ұстаз талай шәкірттеріне Құран кәрімді жаттатып, асыл дінімізді үйретіп кетті. Марқұмның соңынан ерген ізбасарлары бүгінде Қазақстанның түкпір-түкпірінде дін қызметін абыроймен атқаруда.

Баршамызға сол кісінің дәрежесіне жетуді жазғай! Ислам дініне сіңірген еңбегі үшін Алла Тағала разы болып, өз рахымына бөлесін!