Алеппо аймағындағы ресейлік саперлар бір тәулік ішінде 20-дан астам нысанды минадан тазартқан. Бұл жайында Ресей Қарулы Күштерінің жедел басқарма басшысы генерал-лейтенант Сергей Рудской мәлімдеді.

«Жаудан азат етілген аймақтарды жарылғыш заттардан тазарту жұмыстары жүргізіліп жатыр. Өткен тәуліктің өзінде 21 ғимарат тазартылды. Олардың ішінде екі мектеп, электр станциясы, су тазарту құрылғысы, тіпті, екі мешіт те бар», – деп атап өткен Рудской.